متعدد اہل علم نے شیخ سنابلی کی علمی دنیا میں خصوصی شناخت کا اعتراف کیا ہے۔ اور برصغیر کے ممتاز عالم دین جناب صلاح الدین یوسف حفظہ اللہ جہاں شیخ سنابلی کے جذبۂ تحقیق کی داد دیتے ہیں وہیں شیخ رضا اللہ عبدالکریم مدنی فرماتے ہیں کہ: محدثین کرام کے علوم و معارف سے استفادہ کرنے کا سلیقہ ہر ایک کو نہیں آتا لیکن کہنا پڑتا ہے کہ ابولفوازن کفایت اللہ سنابلی کو یہ سلیقہ آتا ہے۔

شیخ کفایت اللہ سنابلی کا شمار ممبئی کے سینئر علما میں ہوتا ہے۔ مختلف و متنوع دینی، علمی و اصلاحی موضوعات پر آپ کے افکار اور تحقیقات تحریر اور ملٹی میڈیا شکل میں سائبر دنیا میں جا بجا پھیلے ہوئے ہیں۔ علمی و تحقیقی میدان میں آپ کی تصنیفات: ”احکام طلاق“ ، ”تفهيم الفرائض“ ، ”حصن المسلم، تحقیق و تخریج“ ، ”نماز میں قرآنی آیات کا جواب“ ، ”امیر معاویہ رضی اللہ عنہ پر الزامات کا جائزہ“ اور ”مسنون رکعات تراویح اور شبہات“ … ایک مستحسن اور باوقار مقام رکھتی ہیں۔
عرصہ دراز سے شیخ سنابلی کے محبان اور قارئین کا تقاضا تھا کہ آپ کی تمام تخلیقات ایک جگہ جمع ہوں تو استفادہ میں آسانی ہوگی۔ یہ ویب سائٹ اسی خواہش کی نمائندگی کا اظہار ہے۔