ترک رفع الیدین پر بحث ومباحثہ (حصہ دوم)

⑦  اعتراض از: آفتاب

میں نے پہلے احتمال والی بات اہل علم کی طرف منسوب کی تھی اور آپ نے یہ سمجھا کہ یہ میں اپنی طرف سے کہہ رہا ہوں اس لئے آپ نے اہل علم کا حوالہ طلب کیا، آپ کے مطالبہ پر حوالہ دے دیا گیا پھر بھی آپ اس کا ذمہ دار صرف مجھے بتلارہے ہیں !!!
آپ نے مندرجہ ذیل احتمالات ذکر کیے تھے
 ● عبداللہ ابن مسعودرضی اللہ عنہ یہ روایت بیان کرتے وقت رفع الیدین کرنا بھول گئے ہوں
● عدم رفع سے سے مراد تکبیر تحریمہ کے وقت ایک سے زائد والا رفع ہو جیساکہ عیدین کی نماز میں ہوتاہے۔
● عدم رفع کا یہ عمل اس وقت کا ہو جب تطبیق مشروع تھی اور تطبیق کے نسخ کے ساتھ ساتھ یہ کیفیت بھی منسوخ ہوئی
اور جب میں سوال کیا یہ احتمال کن محدثین سےلئے ہیں حوالہ دیں
تو آپ نے کہا
علامہ شوکانی فرماتے ہیں:
ثُمَّ لَوْ سَلَّمْنَا صِحَّةَ حَدِيثِ ابْنِ مَسْعُودٍ وَلَمْ نَعْتَبِرْ بِقَدَحِ أُولَئِكَ الْأَئِمَّةِ فِيهِ فَلَيْسَ بَيْنَهُ وَبَيْنَ الْأَحَادِيثِ الْمُثْبِتَةِ لِلرَّفْعِ فِي الرُّكُوعِ وَالِاعْتِدَالِ مِنْهُ تَعَارُضٌ لِأَنَّهَا مُتَضَمِّنَةٌ لِلزِّيَادَةِ الَّتِي لَا مُنَافَاةَ بَيْنَهَا وَبَيْنَ الْمَزِيدِ، وَهِيَ مَقْبُولَةٌ بِالْإِجْمَاعِ لَا سِيَّمَا وَقَدْ نَقَلَهَا جَمَاعَةٌ مِنْ الصَّحَابَةِ وَاتَّفَقَ عَلَى إخْرَاجِهَا الْجَمَاعَةُ[نيل الأوطار 2/ 211]
اس میں تو ایسا کوئی احتمال علامہ شوکانی نے ذکر نہیں کیا ۔
تو کیا اگر ایسے احتمالات کو علماء سے ثابت نہیں کرتے تو ظاہر ہے یہ آپ کا قول ہوا ۔ اس لئیے میں نے یہ احتمالات جو آپ نے ذکر کئے آپ کی طرف منسوب کیے۔
ہم ترک کے سلسلے میں ’رکوع والے رفع الیدین‘ کی صراحت مانگ رہے ہیں (نا کہ تاحیات کی صراحت) اب اگر آپ کو مقابلہ ہی کرنا تھا تو بطورمقابلہ آپ کو یہ مطالبہ کرنا تھا کہ آپ بھی اثبات والے رفع الدین میں’ رکوع کی صراحت‘ دکھاؤ۔
لیکن آپ تاحیاۃ جیسی صراحت کا مطالبہ کرکے خود اپنی متضاد سوچ کا ثبوت دے رہے ہیں ، یہ دکھانے کے لئے میں نے اصل تھریڈ شروع کیا تھا ، یعنی اگر دائمی رفع الیدین کے لئے تاحیاۃ کی صراحت ضروری تو آپ حضرات تکبیر تحریمہ والا رفع الیدین دائماً کرتے ہیں ، کیا اس میں تاحیاۃ کی صراحت ہے ؟؟؟؟
اسی طرح آپ حضرات نماز میں ہاتھ دائماً باندھتے ہیں تو کیا ہاتھ باندھنے والی احادیث میں تاحیاۃ کی صراحت ہے ؟؟؟
تاحیاۃ کا مطالبہ بالکل ہٹ دھرمی ہے کیونکہ فریقین میں یہ بات مسلم ہے کہ ترک کا ثبوت نہ ہو تو مسئلہ دائمی ہی ثابت ہو گا جیسا کہ رکوع وسجود وضع ید اور تکبیر تحریمہ والے رفع الیدین کا معاملہ ہے ۔
ایسی صورت میں آپ کی ذمہ داری صرف یہ ہونی چاہے کہ تاحیاۃ کا مطالبہ کرنے کے بجائے ترک ثابت کرنے پرہی اپنی کوششیں صرف کریں لیکن چونکہ اس بات سے علمائے احناف عاجز ہیں، اس لئے ’’تاحیاۃ ‘‘ کے فلسفہ کا سہارا لے عوام کو مغالطہ دے رہے ہیں ، لیکن کامیابی نہیں مل رہی ہے۔
میں نے تاحیات کی صراحت کا کوئی مطالبہ نہیں کیا ۔ لیکن چون کہ آپ حدیث کو ثابت ہوجانے پر کچھ احتمالات پہلے سے سوچے بیٹھیں ہیں تو ظاہر ہے شدت پسند ہر مسلک اور ہر مذہب میں ہیں ۔ میری نظر میں آپ کے احتمالات اگر دلیل پر ہیں تو صحیح ورنہ وہ مجھے ہٹ دھرمی لگتی ہے ۔ایسی ہٹ دھرمیوں کی وجوہات کی بنا پر احناف میں بعض اس طرح کے الفاظ کا مطالبہ کرتے ہیں ۔ میں نے آپ سے کوئي ذاتی طور پر تاحیات کی صراحت والا مطالبہ نہیں کیا۔
بڑا پیارا سوال کیا ہے ، جزاک اللہ خیرا ۔
لیکن میں چاہوں گا کہ اس سوال کا جواب آپ ہی کے منہ سے نکلے ، تو محترم یہ بتادیں کہ آپ کے نزدیک تکبیر تحریمہ والا رفع الیدین نماز کے ارکان میں سے ہے؟ یعنی اگر کوئی نہ کرے تو کیا نماز ہوجائے گی ؟ آپ کا موقف کیا ہے ؟
معذرت کے ساتھ لیکن اس فورم پر میرا تجربہ ہے جب بھی کسی سے کوئی سوال کیا جائے تو جوابی سوال اجاتا ہے ۔ اگر یہی سوال اگر آپ اپنے موقف کو پیش کرنے بعد کرتے تو زیادہ بہتر ہوتا ۔
بہر حال تکبیر تحریمہ والے رفع الیدین کے متعلق میرا جواب ہے
تکبیر تحریمہ والا رفع الیدین نہ نماز کے ارکان میں سے ہے اور نہ نماز کی واجبات میں سے ۔ اس کے بغیر نماز ہوجائے گی۔
اب آپ بغیر کسی سوال کے میرے سوال کا جواب دیں
اولا:
یہ صرف تبویب ہے اور ہر تبویب محدث کا مسلک نہیں ہوتی ، تبویب سے مقصود حدیث کا موضوع بتانا ہوتا ہے لیکن اس سے محدث کا متفق ہونا ضروری نہیں ہوتا ہے، اس کے لئے الگ سے قرائن کی ضرورت ہے ، اوریہاں کوئی ایسا قرینہ نہیں ہے کہ امام ترمذی اس سے متفق ہیں۔
جو محدثین موضوع احادیث پر کتاب لکھتے ہیں وہ بھی تبویب قائم کرتے ہیں تو کیا وہ اس سے متفق ہوتے ہیں ، امام بخاری رحمہ اللہ نے باب قائم کیا ہے :
باب تقبيل الرِّجْل [الأدب المفرد:ص: 542]۔
اب کیا بریلویوں کی طرح آپ بھی کہیں گے کہ امام بخاری پاؤں چومنے کے قائل تھے؟؟؟
میں نے یہاں یہ نہیں کہا یہاں پر امام ترمذي اس تبویب کے ماننے والے ہیں ۔ یہ الگ بحث ہے کہ امام ترمذی عدم رفع الیدین کے قائل ہیں یا نہیں ۔ لیکن جس باب میں جو حدیث لگائی جاتی ہے وہ حدیث اسی باب سے متعلق ہوتی ہے ۔ اگر کتاب کا نام نماز ہے تو اس کتاب میں نماز کے بارے میں احکام و مسائل ہوں گے روزہ کے بارے میں نہیں ۔
اسی طرح امام ترمذی کا یہ باب قائم کرنے کا مطلب ہے کہ اگر یہ حدیث صحیح ہے تو اس سے یہ ثابت ہوتا ہے کہ ترک رفع الیدین بھی رسول اللہ صلی اللہ علیہ و سلم سے ثابت ہے ۔ اس سے وہ احتملات رد ہوجاتے ہیں جو اس حدیث کے صحیح ثابت ہونے پر بھی آپ قائم کیے ہوئے ہیں۔ باقی امام ترمذی اس حدیث سے متفق ہیں یا نہیں یہ الگ معاملہ ہے ۔ میرا کہنا کا مقصد کہ تھا کہ اس حدیث سے کیا مطلب نکلتا ہے وہ امام ترمذی کی تبویب سے دیکھیں ۔ امام ترمذی اس حدیث سے متفق ہیں یا نہیں یہ الگ معاملہ ہے
ثانیا:
اگر بالفرض تسلیم کرلیں کہ امام ترمذی اس سے متفق تھے تو یہ امام ترمذی کا فقہی فیصلہ ہے اور ہم یہاں ایک حدیث کی صحت و ضعف کے دلائل پر بات کررہے ہیں ، ذرا کچھ تو غور کریں آپ کس وادی میں جارہے ہیں۔
یعنی یہ ابن مسعود کا بھولنا یا ان کی غلط فہمی کا نتیجہ نہ تھا ۔ اس لئیے باقی احتمالات رد ہوجاتے ہیں ۔
امام ترمذی کی یہ رائے تسلیم کرلینے کی صورت میں اس کی وجہ صرف یہ ہوگی کہ امام ترمذی رحمہ اللہ کے نزدیک یہ روایت حسن ہے ۔
اورمیں پہلے ہی واضح کرچکا ہوں کہ جب دلائل کے ساتھ کسی روایت پر جرح ہو تو تحسین تو دور کی بات ہے کسی کی تصحیح بھی نقل کرنا بے سود ہے۔
آپ سے ہوسکے تو جرح کا جواب پیش کریں ، امام ترمذی کی تحسین کو دلیل سمجھ کرآپ صرف اپنے حلقہ میں مگن ہوسکتے ہیں ، ہرجگہ اس خوش فہمی میں نہ رہا کریں۔
اورلطف کی بات یہ ہے کہ امام ترمذی تصحیح و تحسین میں تساہل کے شکار ہیں اور دلائل کے مقابل میں ان کی تحسین و تصحیح کو بریلویوں کے امام احمد رضا صاحب بھی بلا چوں چرا رد کردیتے ہیں معلوم نہیں آپ حقائق سے ناواقف ہیں یا اس غلط فہمی میں ہیں کہ مغالطہ والی پایسی ہر جگہ کا م آجائے گی۔
میں نے امام ترمذی کی تبویب سے یہ ثابت کرنا چاہا کہ اس حدیث کے صحیح ہونے پر کیا مطلب نکلے گا ۔ اور میں کہ چکا ہوں کہ امام ترمذی اس سے متفق ہیں یا نہیں یہ الگ معاملہ ہے ۔ اور نہ میں اس تبویب سے یہ حديث صحیح ثابت کرنا چاہ رہا ہوں
بے سند تو دور کی بات ہے امام ترمذی باسند کوئی قول پیش کریں تب بھی قابل قبول نہیں جب تک کہ سند صحیح ثابت نہ ہوجائے، یہ بات عام طالب علموں کو بھی معلوم ہے معلوم نہیں آپ کو کیا ہوگیا ہے۔
ستم تو یہ ہے کہ آپ کی دوغلی پایسی ہے ورنہ اسی سنن ترمذی سے بعض ایسی احادیث میں پیش کروں جسے امام ترمذی نہ صرف یہ کہ نقل کریں بلکہ سند کے ساتھ نقل کریں بلکہ اسے حسن بھی کہیں تو کیا آپ ان احادیث کو قابل حجت سمجھیں گے؟؟؟
یادرہے آپ نے جو میرے جواب کی نقالی کرنے کی ناکام کوشش کی ہے تو آپ میرے طرزعمل میں یہ دوغلی پالسی کبھی نہیں دکھاسکتے ۔
میں نے صرف آپ کے جواب کی طرح جواب دیا ۔ اگر وہ دوغلی پالیسی ہے تو آپ کا جواب بھی دوغلی پالیسی ہے ۔ ورنہ بغیر سند کے قول قابل قبول نہیں ہوتا ۔ لیکن اپ ابو حاتم کے بغیر سند والے قول کو ثابت کرنے کی کوشش کر رہے ہیں ۔ تو دوغلی پالیسی کون کر رہا ہے !!!!!
حدیث میں اتھارٹی ہیں تو ان کے حوالے سے جرح وتعدیل کا کوئی ایسا قول پیش کریں جسے امام ترمذی نے برضاء رغب نقل کیا ہو، اس پرکوئی اشکال نہیں ہوگا ، لیکن آپ ایک دوسری وادی میں قدم رکھ رہے ہیں :
اولا:
تو جرح و تعدیل کے اقوال کے بجائے فقہی اقوال پیش کررہے ہیں، جو انتہائی مضحکہ خیزہے۔
سند جرح و تعدیل اور فقہی اقوال دونوں میں میں ضروری ہے ۔ اگر آپ ابو حاتم کا یقال کا قول بغیر سند کے مان سکتے ہیں ہیں حتی کہ کہنے والے کا نام بھی نہیں تو میں بھی بغیر سند کے فقہی اقوال پیش کر سکتا ہوں ۔ اب بتائیں مضحکہ خیز کون بات کر رہا ہے
ثانیا:
اس بات کا بھی کوئی اشارہ نہیں ہے کہ امام ترمذی ان فقہی اقوال سے متفق بھی ہیں۔
یہی میں نے کہا تھا کہ اس طرف کوئی اشارہ نہیں کہ امام ابو جاتم یقال کے قائل سے متقق ہیں ۔
ثالثا:
اب میں آپ کے سامنے امام ترمذی کی اصل اتھارٹی کا حوالہ دیتا ہوں ملاحظہ فرمائیں:
امام ترمذی فرماتے ہیں:
وقَالَ عَبْدُ اللَّهِ بْنُ المُبَارَكِ: قَدْ ثَبَتَ حَدِيثُ مَنْ يَرْفَعُ، وَذَكَرَ حَدِيثَ الزُّهْرِيِّ، عَنْ سَالِمٍ، عَنْ أَبِيهِ، وَلَمْ يَثْبُتْ حَدِيثُ ابْنِ مَسْعُودٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ لَمْ يَرْفَعْ إِلَّا فِي أَوَّلِ مَرَّةٍ. [سنن الترمذي ت شاكر 2/ 38]۔
جی ہاں یہ ہے امام ترمذی رحمہ اللہ کے اپنے فن کی بات کہ وہ حدیث ابن مسعود رضی اللہ عنہ پر امام ابن المبارک رحمہ اللہ کا قول برضاء و رغبت نقل کررہے ہیں، اس لئے آپ لائن پر آئیں اور امام ترمذی کی اتھارٹی کو تسلیم کریں اور زیربحث مردود حدیث سے امت کو دور رہنےکی تلقین کریں۔
یہاں عبد اللہ بن مبارک کا جو قول امام ترمذی ذکر کرہے ہیں وہ ابن مسعود دضی اللہ عنہ کی قولی روایت ہے ۔ ان کی فعلی روایت پر امام ترمذی نے عبداللہ بن مبارک کی کوئی جرح نقل نہیں کی۔ اور ہمارے درمیان بحث ابن مسعود کی فعلی روایت پر ہے ۔
اولا:
اوپر امام ترمذی کے نقل کردہ اقوال کی نوعیت واضح کی جاچکی ہے۔
مين بھی آپ کے اعتراضات کا جواب دے چکا ہوں
ثانیا:
اصول حدیث کا یہ کون سا قائدہ ہے کوئی روایت اقوال صحابہ کی بنیاد پر صحیح قرار پاسکتی ہے اہل فن سے اس کی ایک مثال پیش کریں کہ کسی حدیث کو فقہی اقوال کی بنیاد پر صحیح قراردیا گیاہے۔
جب کوئی امام یقال کرکے بات کرے اور بات آپ کے ہاں مستند ہے ۔ آپ پہلے یہ بتائین کہ آپ نے یہ قائدہ کہاں سے لیا ۔ کیوں بے قائدہ بات پہلے آپ نے کی اور مجھے ایسے محدثین کی لسٹ بھی دی دیں جو یقال کہ کہ بات کریں اور آپ کے ہاں ان کی بات بھی معتبر ہو۔
ثالثا:
یہ اقوال صحابہ کے ہیں اورحدیث ابن مسعود میں عدم رفع کی نسبت رسول اللہ صلی اللہ علیہ وسلم کی طرف ہے؟؟ اب ذرا سوچ سمجھ کر جواب دیجئے کہ مرفوع روایت کیا موقوف روایت سے تائید پاکر صحیح قرار پاسکتی ہے ؟؟؟ تو اصول حدیث سے اس کا ثبوت پیش کریں۔
اس اصول کا جواب اوپرثانیا میں جواب میں آگیا ۔
محترم! صحیح بخاری کی جن روایات کی طرف آپ اشارہ کررہے ہیں ان ساری روایات کے انتہائی مضبوط اور معتبر متابعات موجود ہیں ، اورشواہد ومتابعات کے آجانے کے بعد یہ ضعف مضرنہیں ہوتا ہے کہ وہ آخری زمانہ میں متغیر الحفظ ہوگئے تھے ، آپ بخاری سے احمد بن يونس عن ابی بکر بن عیاش کے طریق سے کوئی بھی روایت پیش کریں اس کا صحیح متابع یا شاہد پیش کرنا میری ذمہ داری ہے ۔
آپ سمجھے نہیں ۔ میں احمد بن يونس عن ابی بکر بن عیاش کے طریق پر اعتراض نہیں کر رہا ۔ میں بھی کہ رہا ہوں کہ یہ طریق صحیح ہے ۔ اور اسی طریق پرہی عبد اللہ بن عمر کے عدم رفع الیدین کو نقل کیا گیا ہے جیسا کہ طحاوی کی سند میں ہے
اورمیری اس بات کا جواب نہیں آیا کہ ہم رسول اللہ صلی اللہ علیہ وسلم کی نماز سے متعلق بات کررہے ہیں ، پھر اس بیچ آپ اثر ابن عمررضی اللہ عنہ کو پیش کرکے کیوں خواہ مخواہ بحث کوطول دے رہے ہیں؟؟؟؟
آپ جس روایت سے اللہ کے نبی صلی اللہ علیہ و سلم سے رفع الیدین ثابت کر رہے ہیں اس کو نقل کرنے والے عبد اللہ بن عمر ہیں ۔ اور میں عبد اللہ بن عمر کا فعل اس لئیے ذکر کر رہا ہوں کہ حدیث کے راوی خود رفع الیدین نہیں کر رہے ۔ اس سے بھی ثابت ہوتا ہے کہ رفع الیدین پہلے تھا بعد میں رسول اللہ صلی علیہ وسلم نے نہیں کیا ۔ ورنہ خود رفع الیدین کو روایت کرنے والا کیوں ترک کرے گا ۔
ہم نے اثبات رفع الیدین میں اللہ کے نبی صلی اللہ علیہ وسلم کی مرفوع حدیث پیش کی ہے اس لئے اگر آپ کے پاس ترک کی کوئی مرفوع حدیث ہو تو پیش کریں ،
عن البراء بن عازب قال رأيت رسول الله صلى الله عليه وسلم إذا افتتح الصلاة رفع يديه إلى قريب من أذنيه ثم لم يعد . أخرجه أبو داود والدارقطني
آثار اوروہ بھی مردود شدہ سے کام نہیں چلے گا۔
پہلے آپ ان آثار کو مردود ثابت کریں پھر ان کو مردود کہیں ۔
اورتطبیق والی روایت ابن مسعود رضی اللہ عنہ سے متعلق آپ کی تحقیق کا انتظار ہے ، کوئی جلدی نہیں جب بھی آپ کی تحقیق مکمل ہوجائے تو ناچیز کو ضرور آگاہ کریں۔
مین نے دوبارہ اس طرف توجہ نہیں دی ۔ چلیں ان شاء اللہ جلد عرض کروں گا ۔